Cerpen: Gadih Kampuang yang Kesepian

  • Whatsapp
Ilustrasi
Ilustrasi (Foto: Dok. Istimewa)

Oleh: Mayang Sari

Kesepian kato nan mambuek hati sadiah mandanganyo, itu pulo nan dirasokan dek gadih kampuang banamo Devi. Devi iko gadih mudo nan rancak jo manih ibaraik bungo kampuang harum baunyo dek kecantikannyo banyak urang nan suko apolai bujang-bujang di kampuang nanko. Walaupun inyo disenangi samo urang kampuang tapi hatinyo tatap sajo kesepian karano kaluarganyo barantakan . Ayah jo ibunyo acok bacakak sahinggo inyo manjadi anak broken home (bapak ibu bercerai) dan ia menjadi pribadi pendiam.

Read More

Suasana Pagi di rumah Devi
“Bu,ayah baa ndak pulang tadi malam ma?”.
Indak tau di den do ayah kau tu” jawek Ama Devi
Satalah tudatang la ayah Devi dengan kaadaan mabuk
“Mabuk-mabuk juo lai?” Tanyo Ibu Devi.
“Baa masalah dek kau” Jawek ayah Devi
Kaduonyo bacakak baradu muluik dan Devi hanyo bisa tadiam dan lari ka kamarnyo dan di dalam kamar Devi sadiah mancalik kaadaannyo sarupo tadi.

Satiok hari Devi mandanga ibu jo ayahnyo bacakak sampai Devi bosan mandanganyo, inyo pun kesepian, karano indak mandapek an tarimo kasih dari urang tuonyo karano satiok hari kadunyo bacakak karano hal-hal sepele. Devi hanyo bisa mangadu ka sang pemilik alam Semesta, inyo badoa kapado AllahSwt karano indak ado urang lain yang mandangaan caritonyo selain kapado Allah SWT.

Devi taingek maso-maso inyo masih ketek, maso-maso nan dirindukan samo Devi adolah maso katiko indak ado masalah dalam kaluarganyo nan baitu disayangi samo urang tuonyo,apo kandak Devi salalu dituruik-an,sakatiko memori itu taingek balik samo Devi.
“Devi kamari sabanta tolongan ibu ciek, ” Kato ibu Devi
“Iyoo bu…” , sakatiko bamanuang Devi pacah dek diimbau ibunyo.

Devi pun manuruik sajo ka ibunyo karano acok diimbau dan mambantu ibunyo.
Dahulu Devi anak yang ceria dan murah senyum ka urang lain. Inyo elok ka sado urang, karano inyo anak tungga babeleang urang tuonyo pun sangaik sayang ka inyo. Anak-anak yang samuran jo devi sangaik sanang jo Devi karano inyo indak mambeda-bedaan kawan,baginyo kawan inyo samo indak harus dibeda-bedaan.tapi kini beda carito Devi manjadi gadih pandiam dan jarang kalua rumah karano malu dek keluarganyo barantakan dan jarang mandapek an kasiah jo sayang sarupo dulu karano urang tuonyo acok bacakak dek ayahnyo acok kalua malam pulang pagi .

Dalam barumah tanggo pasti ado sajo masalah yang dihadapi, mulai dari hal sepele sajo bisa jadi permasalahan, tetapi jan sampai anak manangguang akibat dari permasalahan kito sampai anak maraso kesepian karano kurang kasiah jo sayang dari urang tuonyo karano sibuk karajo atau bacakak satiok hari. Ibaraik papatah “Uang bisa dicari tapi kalau kasih sayang kurang,habislah rumah tanggo kasiah jo sayang indak dapek dijua bali“.

*/Penulis adalah Mahasiswi Jurusan Sastra Minangkabau
Fakultas Ilmu Budaya, Universitas Andalas

Related posts